陈奕迅完成了27 场个人演唱会后，飞去了北海道放假一个月，冰天雪地中修炼回来，即推出新歌《尘大师》，Eason坦言，冰天雪地中并没有滑雪滑到会飞，反而修炼了修理吸尘机的学问，在大自然中休息，是为放松自己心中紧扣的结，然后收拾心情，为世界巡回出发作准备。

 

　　尘大师这首歌由2020年开始筹划，Eason唔讲都唔知原来用了三年时间去搞，「一直慢慢做，做了三年，從來未試過可以慢慢咁做歌，最初有啲唔慣添，以前一年出三隻碟，兩隻廣東一隻國語。四大天王仲癲，一年三隻碟拍十部戲。當大家可以慢一啲 ，又可以投入多啲落去，出來的內容可以再深層次，其實係好開心。」

 

　　由收到林家谦的曲后，Eason谓曲自己十分喜欢，想起多年来都很欣赏林海峰的词，所以就请阿JAN为他填词，再邀请李荣浩编曲，收到李荣浩的编曲时，他一个人在隔离中，第一次听，成个人震晒，眼泪水不自觉标出来，「可能我對音樂特別敏感啦 …..結他聲鼓聲都太動聽...我覺得同首歌意境好夾，歌詞叫你做人要冷靜再入定，但結他像人世間上的各種執念、撩住、拮住你嗰個想入定嘅心，令個人就好興奮，真係好正。編曲有了之後，阿JAN個人一啲都唔 『係咁咦」囉，好認真，歌詞、段落上下都為配合編曲調及改幾次，本來首歌冇達哥(吳孟達)，因為做緊個陣達哥過身，Jan即刻又加返，作為一種默默的致敬。又畫埋個塵大師公仔比我，等我可以出埋動畫版MV，真係好正，好多謝佢。」

 

　　谈到近年Eason似乎泪水忽然多了，上次演唱会上演过27年来第一次台上喊，听李荣浩编曲又落泪，Eason剖白未知是不是年纪大了，心开始变得柔软，「我係一個好抑壓的人，以前咩都死撐住，覺得咩呀，梗係輸人唔輸陣，所以咪只得黑面，或者嘻嘻哈哈比人睇，依家人大個左，開始好易就被感動到。歌叫塵大師，我做唔到大師啦 ，我都係人，大咩師，我只係一粒塵，好渺小。我有時都會諗，塵歸塵土歸土，有一日我都會返去化為塵，所以做人唔好睇到自己咁大，否則會變好㒼塞，我地其實好渺小，一個大風吹埋黎，可以咩都冇晒。 我睇到一啲朋友聽歌後留言，都話今日好唔掂就爆血管，聽完首歌鬆一鬆，我就好開心，林海峰填呢首詞，都係想送比香港人啦，希望大家一齊可以度過所有緊張日子，放鬆一下心情。」

 

　　经过27场演唱会，Eason直言之前一直备战状态拉紧的神经，终于松下来，但因为拉紧了这么长的日子，像打结的绳子，上面仍有很深的折痕，「未鬆晒，去旅行我都係為尋求大自然嘅寧靜，冇乜玩㗎，經常留喺住個間屋到洗下碗，洗下地，邊洗地邊洗滌心靈。同埋勁呀我，學識埋修理吸塵機，又拉又剪將纏住係吸塵機上面的頭髮呀，垃圾呀，全部清晒！個一刻，成個人都好有成就感，哈哈。喺旅行期間，都撞到好多人呀，好難話冇人認得出我，試過喺意大利山上懸崖路邊都有人認出...哈哈，所以我都化左好多啦，有時間叫我影張相，我都會影 ，只係如果我趕時間，我驚我太熱情一陣影完相同人吹起上來，我就唔影囉.....。 」

 

　　休息过后，又再出发，4月巡回演唱会开始，先去新加坡、马来西亚，反应非常热烈，7 月会去台北小巨蛋，一开七场，Eason说自己回来想了一下，是否需要找健身教练训练体能，岂料经理人拨冷水指他之前27场都没有去过，「好好笑，我諗返又係喎，我有操過，當時都係打下波，哈哈哈.....但係我都反駁佢咁見下健身教練吹下水唔得咩，哈哈。」

 

　　巡演的Fear and Dreams，Eason指骨干是不会变，但歌单会稍作改动，毕竟出去就是面对全世界华人观众，因此会加入一些国语歌，因应场地问题，设备上亦会有改动，唯演唱会想要带给大家的信息，则会原汁原味地呈现在观众眼前。除了以上三个地方，他还笑言，「其實諗到嘅地方，有機會都想去，美加、澳紐、歐洲，甚至非洲、印度有人想聽我唱歌，我都想去呀....哈哈。」